ﻫﻠﻮﺳﺎﺕ ﻟﻴﺒﻲ ..

ﻣﺸﺎﻫﺪﺍﺕ .... ﻣﻦ ﺃﺟﻤﻞ ﻣﺎ ﺭﺃﻳﺖ
- ﺭﻳﺖ ﻓﺘﺤﻲ ﺗﺮﺑﻞ ﻭﺍﻗﻒ ﻓﻲ ﻃﺎﺑﻮﺭ ﺍﻟﻜﻮﺷﺔ ﺟﻲ ﻣﺤﻤﻮﺩ ﺷﻤﺎﻡ ﻗﺎﻟﻪ ﺧﻮﺫﻟﻲ ﻣﻌﺎﻙ ﺧﻤﺲ ﻓﺮﺩﺍﺕ ﺭﺩ ﻋﻠﻴﻪ ﺗﺮﺑﻞ ﻗﺎﻟﻪ ﻋﻴﺐ ﻋﻠﻴﻚ ﻳﺎ ﺭﺍﺟﻞ ﺣﻨﻲ ﺩﺭﻧﺎ ﺛﻮﺭﺓ ﻋﺸﺎﻥ ﻧﻌﻴﺸﻮﺍ ﻣﻌﺎﻧﺎﺓ ﺍﻟﻠﻴﺒﻴﻴﻦ !!
- ﺭﻳﺖ ﻣﺤﻤﺪ ﺍﻟﻤﻘﺮﻳﻒ ﻳﺨﺘﻢ ﻓﻲ ﺍﻟﺮﻗﻢ ﺍﻟﻮﻃﻨﻲ ﻓﻲ ﺍﻟﺴﺠﻞ ﺍﻟﻤﺪﻧﻲ ﺳﺎﻟﺘﻪ ﺷﻦ ﺑﺪﻳﺮ ﺑﻴﻪ ﻗﺎﻟﻠﻲ ﺑﻨﺴﺠﻞ ﻓﻲ ﻣﻨﻈﻮﻣﺔ ﺍﻟﺠﻮﺯﺍﺕ !!
- ﺭﻳﺖ ﻋﻠﻲ ﺍﻟﺼﻼﺑﻲ ﺷﺎﺩ ﻭﺍﺣﺪ ﻣﻦ ﺍﻟﺪﻭﺍﻋﺶ ﻓﻲ ﺳﺮﺕ ﻳﻨﺼﺢ ﻓﻴﻪ !!
- ﺭﻳﺖ ﻣﺼﻄﻔﻰ ﻋﺒﺪ ﺍﻟﺠﻠﻴﻞ ﺣﺎﺟﺰ ﺭﻗﻢ ﻭﺷﺎﺩ ﺍﻟﺪﻭﺭ ﻓﻲ ﻣﺴﺘﺸﻔﻰ ﺍﻟﻬﻮﺍﺭﻱ ﺑﻴﻘﻠﻊ ﺳﻦ ﻓﻴﻬﺎ ﺳﻮﺳﺔ !!
- ﺭﻳﺖ ﻭﺳﺎﻡ ﺑﻦ ﺣﻤﻴﺪ ﻃﺎﻟﻌﺘﻠﻪ ﻃﺎﻧﻄﺎ ﺷﻤﻨﺖ ﻣﻦ ﻣﺼﻨﻊ ﺯﻟﻴﺘﻦ ﻭﻳﻜﻠﻢ ﻓﻲ ﺍﻟﺴﻮﺍﻕ ﻳﻮﺻﻔﻠﻪ ﻓﻲ ﺍﻟﻌﻨﻮﺍﻥ !!
- ﺭﻳﺖ ﺍﻟﺼﺎﺩﻕ ﺍﻟﻐﺮﻳﺎﻧﻲ ﻣﺴﺘﻮﺭﺩ ﺳﻴﺎﺭﺓ ﺍﻭﺑﻞ ﻛﺎﺩﻳﺖ ﻭﻳﺘﻤﻠﻬﺎ ﻓﻲ ﺇﺟﺮﺍﺀﺍﺗﻬﺎ ﻓﻲ ﻣﻴﻨﺎﺀ ﻣﺼﺮﺍﺗﺔ !!
- ﺭﻳﺖ ﻓﺎﻳﺰ ﺟﺒﺮﻳﻞ ﻳﺼﻠﺢ ﻓﻲ ﻣﻮﻟﺪ ﺿﻲﺀ ﻓﻲ ﻭﺭﺷﺔ ﻓﻲ ﺗﺎﺟﻮﺭﺍﺀ !!
- ﺭﻳﺖ ﻓﺎﻃﻤﺔ ﺍﻟﺤﻤﺮﻭﺵ ﺭﺍﻓﻌﺔ ﻋﻴﻞ ﺻﻐﻴﺮ ﺗﻮﺳﻮﺱ ﻓﻴﻪ ﻋﻨﺪ ﻋﺰﻭﺯ ﻓﻲ ﺍﻟﻌﺠﻴﻼﺕ !!
- ﺭﻳﺖ ﺑﻮﺳﻬﻤﻴﻦ ﻋﺎﻃﻠﺔ ﺑﻴﻪ ﺍﻟﺴﻴﺎﺭﺓ ﺟﻨﺐ ﺍﻟﻠﻲ ﺑﻴﻌﻴﻮﺍ ﻓﻲ ﺍﻟﻔﺨﺎﺭ ﻓﻲ ﺗﺎﻭﺭﻏﺎﺀ ﺍﻧﻀﺮﺏ ﻓﻴﻬﺎ ﻛﻤﺒﻴﻮ .!!
- ﺭﻳﺖ ﻭﻧﻴﺲ ﺑﻮﺧﻤﺎﺩﺓ ﻳﺸﺮﻱ ﻓﻲ ﺍﻟﻌﺴﻠﻮﺯ ﻣﻦ ﻗﺼﺮ ﺧﻴﺎﺭ !!
- ﺭﻳﺖ ﺣﻔﺘﺮ ﻳﺼﻠﻲ ﻓﻲ ﺍﻟﻌﺼﺮ ﻓﻲ ﺍﻟﺠﺎﻣﻊ ﺍﻟﻠﻲ ﺟﻨﺐ ﺑﻮﺍﺑﺔ ﺍﻟﺪﺍﻓﻨﻴﺔ !!
- ﺭﻳﺖ ﺍﻟﻄﻴﺎﺭﻱ ﻳﺴﺎﺅﻡ ﻑ ﺑﺮﺷﻨﻲ ﻓﻲ ﺍﻟﺰﻧﺘﺎﻥ !!
- ﺭﻳﺖ ﻧﺎﻛﺮ ﻳﺨﻴﻂ ﻑ ﻛﻨﺪﺭﺗﻪ ﻋﻨﺪ ﻧﺠﻴﺮﻱ ﻓﻲ ﺧﻠﺔ ﺍﻟﻔﺮﺟﺎﻥ !!
ﻭﻛﺎﻧﻜﻢ ﻣﻜﺬﺑﻴﻨﻲ ﻣﻌﻨﺎﻫﺎ ﺑﻴﻨﻲ ﻭﺑﻴﻨﻜﻢ ﺩﺳﺘﻮﺭ ﺍﻟﺘﺮﻫﻮﻧﻲ ﺟﻴﺒﻮﻩ ﻧﺤﻠﻔﻠﻜﻢ ﻋﻠﻴﻪ !!
ﻭﺳﺎﻣﺤﻮﻧﻲ ( ﻧﻬﻠﻮﺱ ) ﺧﻮﻛﻢ ﻛﻼﻡ